| Modalitatea: | On line ikastaroa / Modulua |
| Emailea: | Sagra Crespo (EIBZko irakaslea) |
Hartzaileak
Euskaraz jarduten duten irakasleak.
Helburuak eta edukiak
- Web 2.0 zer den ulertzea eta ezaugarri nagusiak ezagutzea, hau da, Interneten dauden baliabideak ezagutzea eta erabiltzea.
- Klaserako izan daitezkeen erabilera praktikoak ikertzea.
Web 2.0n ari garenean, elkarlana ezinbestekoa da, horregatik atalka landuko dugu interesen eta denboraren arabera batean edo bestean parte hatzeko.
Aukera dago 7 atalen artean nahi dena/direnak egiteko:
Jario-irakurleak (10 ordu): blogen, podcast-en eta bestelako baliabideen jarraipena egiteko ezinbesteko tresna. Gaur egun informazio asko dago sarean eta etengabe eguneratzen ari da. Blogetan eta bestelako zerbitzuetan sortzen den berriak jarraitzeko modu erraz bat aztertuko dugu atal honetan: gu berrietara joan beharrean, berriak gugana etorriko dira.
Blogak (15 ordu): blogger plataforman blog bat sortuko dugu eta erabiltzen hasteko pausoak emango ditugu.
Google-en baliabideak (15 ordu): Googlen eskutik ia bulego osoa izan dezakegu eskura. Gure eguneroko lanerako baliagarriak diren tresna batzuk aztertuko ditugu: calendar, docs, igoogle...
Wikiak (10 ordu): dokumentu bat lagun batzuen artean osatzeko tresna, gure ikasleen taldeko lanak errazteko ezinbesteko baliabidea.
Twitter (10 ordu): mikrobloga, 140 karakteretan zure interesak kontatu, besteenak jaso.
Markatzaileak (10 ordu): Interneten aurkitzen ditugun toki gogokoak gordetzeko eta partekatzeko tresna. Gure ordenagailuan erabiltzen dugun nabigatzailean izaten ditugun “favoritos” edo laster-markak sarean izango ditugu, edozein tokitatik kontsultatzeko moduan eta besteekin partekatzeko.
Sare sozialak (10 ordu): ikertzen hasiko gara, zer diren, nola erabili, aukerak...
Metodologia
Irakaslearen gidaritzapean, parte hartzaileak baliabide digitalen erabileran trebatu eta beren gaitasun digitala hobetuko dute.
Ezinbestekoa
Nork bere posta elektronikoa eta Internet konexioa izatea.
Atal bakoitzaren aurretik izena ematea.
EIBZren Moodle plataforman eginen da lan.
Tokia
Ikastaroa: Moodle plataforma.
Modulua: ikastetxean bertan edo eskualdeko ikastetxeren batean
Egutegia
Ikastaroa:
- Jario-irakurleak: urriaren 4tik urriaren 27ra
- Blogak: azaroaren 2tik abenduaren 15era
- Google-en baliabideak: urtarrilaren 16tik otsailaren 23ra
- Wikiak: otsailaren 26tik martxoaren 27ra
- Markatzaileak: otsailaren 26tik martxoaren 27ra
- Twitter: apirilaren 16tik maiatzaren 4ra
- Sare sozialak: maiatzaren 8tik ekainaren 6ra
Ordutegia
Modulua: EIBZren eta irakasle taldearen artean adostuko da
Iraupena
Guztira: 80 ordu
Atalka eginez gero, atal bakoitzari dagokion ordu kopurua
Oharra
Partaideen kopurua mugatua izanen da, izen-emate dataren arabera.
Ziurtagiriak azken atala egin ondoren banatuko dira. Bertan, egindako atalak eta orduak azalduko dira.
Moduluaren kasuan, programa, egutegia eta ordutegia EIBZren eta irakasle taldearen artean adostuko dira.
| < Aurrekoa | Hurrengoa > |
|---|
